marangu

watu wa kwanza waliokuja kukaa marangu ni wataita.
baada ya kufika hao wengine wakaja kutoka ugweno,kahe na arusha chini.
wengi katika hao walikaa kilema na mamba,
lakini wachache walifata mto kimo na kuja kukaa marangu
wote walikuwa hawana mali, na wote walikaa hivi hivi mpaka wale waliokaa mshiri walijichagulia  mkuu wao jina lake kilaweso.
labda kilaweso alikuwa mkuu wa wachagga,na  kwa hivi tutaona jinsi alivyopata ukuu wake,na jinsi ukuu wake ulivyokwisha.
imehadithiwa ya kuwa siku moja kilaweso alimwua mtu mmoja aliyeua mtu mwingine mbele ya macho yake ,na kwa kuwa watu wote walikuwa wamwechoka kabisa na mauaji na fujofujo, walipendezwa na tendo lake,wakamfanya mwamuzi wao,wakampa ruhusa ya kuwaadhibu wahalifu wote katika nchi, na malipo yake walimwahidia kumjengea nyumba na  kumlimia mashamba yake,
huu ndio mwanzo wa desturi waliyonayo wachagga ya kuwalimia na kuwajengea nyumba wakuu wao,

kilaweso alikuwa mwenye nguvu nyingi tena shujaa kama simba na kabla hazijapita siku nyingi aliiweka nchi ikae kwa taratibu